Ecco qua un gioco quasi sempre a portata di mano, àn tòch de spàgo o àn fil de lana da calzèt, ànca con àstigo. Andava per la maggiore anni fa, quando che no ghe n’èra i videogiochi e al compiùter.
De solito era to nòna che te fea dùgàr, la intrattenea i bòcìe quando che i scominziea a infastedirse, magari entro pàr casa quando che fòra piovea o era frèt.
Semplice, curioso, facile da impàràr…, ma fursi, se sbàgliea sempre e spès, àl bèl era che te podea sempre far àl “rèsèt”, cioè scominziar da novo.
Se scominziea col ligarlo ai doi càvi, con bèl gròpp, praticamente diventea àn tòch unico del diametro de circa àn metro. De solito se dùghea in doi massimo in trè, bisognea incrosàr pi òlte le màn pàr far si che al spàgo al se intorcolese fra i dèt e che al n’dese a creàr forme giometriche frà le doi màn tese.
In prinzìpio l’èra facile, ma pì che se àndea avanti e pì al dùgo àl gnèa interessante e pì bèl.
Se podea inventàrse de tùt pàr fàr na forma diversa, se se iùtea coi dènt, co la lengua e pàrfìn coi piè e i comedòi, fin che se restea ingropàdi con tute e quatro le màn, e alora do a rider.
Ale tànt tèmp che no vede pi far sti dughi, co l’èra del tecnologico le spàrì, e così i noni e le none i dovrà solo star atenti ai neodi che noi casche do dàl càregòn quando che i gnàrà insemenidi a stàr davanti al compiuter…
Si dice che questo strano gioco di capacità e strategia sia stato importato dall’Oriente ed era conosciutissimo da tutti…àncà pàrchè ghe n’èra solo questo, a basso costo… (Ennio P.)
