Oggi, nonostante nuove abitazioni e un buon rimpolpamento di persone, il paesello sembra dormicchiare, la maggior parte della gente, esce fuori parrocchia per il lavoro rientrando solo alla sera, si capisce che non hanno più tanta voglia di uscire. Uscire si…, ma per andare dove? L’unica bella e salutare cosa da fare, a Visome è una bella passeggiata, non hai che l’imbarazzo della scelta dei percorsi, se d’estate, ma d’inverno? L’unico pullulare di gente lo puoi vedere attorno ai bar, dove si trovano per una partitina a carte, una bevuta in compagnia o per vedere amici.
Mi viene in mente verso gli anni 60 o giù di lì;
Aveetù da far la spesa? generi alimentari da Tison Arturo in pieno centro o in periferia da Scarton Luigi, quando ancora i te dea al zuchero su quela carta maròn cìàro, fata su con tanta esperienza che no ghen gnea fòra gnànca àn gàrnèl. E dopo aver fàt la spesa te ghe presentea al libret (dei debiti) e i te segnea al totale, pàr dopo pagàr tùt àla fìn del mese co to pàre al portea a casa 5/6 foìòle da 10.000 mila franchi, e mèdi i n’dea là. Proa mo tì àndar àdès al Mega o all’Emisfero a presentarghe al librèt, a veder cosa che i te dìs!!!
Aveetù vòia de fàr àn pranzo pàr la comunion?, pàr na festa?, pàr na cena? àn pranzo de nòze?, me sorèla la lo ha fàt là, su dal “Zòtto” Volponi, ora Monastier co la se ha sposà, macchine no ghe n’èra alora e te cerchea àl posto pì vesìn, e sicuramente la cùsìna la èra casalinga, àncòi te n’dàrie do pàr la trevisàna!
Aveetù bisogno de vin?, bibite, acqua mineràl? Bàcò da Cerri Elio, e cintòn da Angelo Dal Pont, àdès te toca fartelo portàr a casa da gente fòra parrocchia o àndàr a cìortelo sempre do pàr la trevisàna!
Aveetù ròt la falciatrice?, da saldar àn tòch de fèr?, àlèra Scagnet che fea tuti stì làorèt, àdès al fìol àle diventà àn boss, e nol’e gnànca lù, pì a Visome!
Aveetù pèrs àl tàch de la scarpa? no problem, àlera Aldo scarpèr sùl so laboratorio 3×3, che àl confondea la spùza da càgnòn col fùn del so toscàn, sempre in boca!
Aveetù sei? oleetù fàr na partida a “mòra”? a carte? trovarte coi amighi?, improvisarte àn uficio? àlera 5 bar, a scelta, da Volponi; mòra e vin, do da Chècòn vin e cafè, da Argenta vin e giochi vari, tute le prime machinete pàr dùgàr, le àvea lù, da Canal vin, liquori e televisiòn, che era al primo dopo al prete ad averla, e se àndea a veder Lascia o Raddoppia e n’aranciàta la dovea bastarte tuta la sera, da Isaia vin e giochi a carte e calciobalilla…insomma, no manchea gnènt! Oggi invese bisogna àndàr in pizzeria, o al pub, e comunque fòra Visome!
Aveetù rubinèt che perdèa? tubi dell’acqua roti? bastea che te ciàmese Bebi Somacàlèt, l’idraulico fai da tè, con doi cìàve àl te sistemea la perdita, cìàma tì l’idraulico àl dì de ìncòi, te vede dopo la fattura!
Aveetù da àndàr pàr la strada senza sporcarte le scarpe e schivàr i fòs? ghe n’èra Ofo, al stradìn da Rivamaor che la matina àl te netea la cùneta de destra e dopo mezzodì quella de sinistra, i tombìn i èra sempre bei neti!
Aveetù vòia de portàr àn fior in Cimitero? parea àn giardìn, finch’è àlera Oreste Da Rolt che fea àl custode.
Aveetù da fàr na lapide? bastea àndar da Giulio Capraro, al te le fea su ordinaziòn, con tànt de vaso e foto in ceramica!
Aveetù da sistemarte àl qùèrt? fàr su àn mùrèt? bastea àndàr da Tilio Capraro co la so impresa tuttofare!
Aveetù da àràr àl càmp? solzàr? semenàr? te podea àndàr da Ferìch, Zago o Piccin, i pì fornidì agricoltori della zona!
Aveetù vòia de fòrmàì? bùtiro? poìna? scòlo?, àlèra Rinaldo Formenti che gestìa la lateria, ora dirocada, ma quànt làt che àle pàsà pàr quela porta!
Aveetù gòia den pànèt co la zùca?, farina?, biscotti? al panificio de Guido Facoli, che te podea portàrghe ànca le tecìe col conicio pàr cùsinàrlo in forno!
Aveetù da spèdìr na cartolina? depositàr schèì? pagàr nà boletà? far nà telefonàda? la Signorina de la posta la te sistemea tùt, à màn senza compiuter!
Aveetù àndàr a nòze? Te servielo àn vestito su misura? da Tilio sarto, tut rigorosamente cùsì a màn!
Aveetù da compràr nà televisiòn? àn fòn? na stùa? piatì? scùdèle? den’ eletricistà? Imelda e Gildo i te contentea sempre!
Aveetù frèt? casa ingiazàda? na telefonàda a Genio Facoli e subito àl te portea al gàrbòn e legne su comisiòn!
Aveetù da sistemàr i càvei? taiarte la barba? bastea àndàr da Luciano e so pàre, intànt che so sorèla Maria la fea messe in piega e permanenti ale femene!
Aveetù stràze? borsolòt de aluminio? pèl de cùnìcìo? rimasugli vari? Te podea portargheli a Gustìn al ferovècìo e àl te dea ànca doi schèi, proè a portarle in discarica 4 scoàze a veder che ròba!
Aveetù finestre da fàr? qualche bàlcòn? na scàla? da Gio Gasperin co so fiòl Silvano àl te risolvea àl problema!
Aveetù bisogno de farte na puntura? Irma Nenz la te la fea, con n’àgo sula scatoleta bèl broà, che la àvea sterilizà.
Aveetù bisogno de doi fotografie pàr àl pasaporto? pàr na nozàdà? via da Bepi Zanfròn!
Aveetù bisogno de qualcosa dàl prète e nol’èrà? te podea a rivolgerte a Sunta Dal Farra la sacrestana!
Aveetù bisogno de n’imbòtida pàr àl lèt novo? bastea àndàr do da Sunta Celentin e la te incontentea!
Aveetù bisogno de lana de feda? gnèi pàr Pasqua? te podea àndàr da Gio Dal Farra che àl fea àl pàstòr!
Aveetù bisogno de piantine da ort? ortaggi in genere? ghe n’èra la signora Dal Pont che la reclutea tosàte pàr àndàr a cavarghe l’èrba!
Aveetù la sveglia che restea indrìo? àl fren de la bicicleta che no freneà? su da Carlo Colli, riparea tùt!
Aveetù da cìòr caròte, patate, fàsòi, seole, frutta così detta esòtica? la botega de Bepi Boito la èra sempre vèrta!
Aveetù vòia den bèl gelato? la gelateria Martini la àvea àn bèl assortimento, ma noialtri bòce ne mànche sempre àl schèo e alora te ghe fea bòn a to nòna par 5 franchi!
Aveetù sbàtocìà la machina? àveela fàt àl rùden? la carrozzeria Stella Luigi, te sistemea la 500!
Aveetù bisogno de fàr dìr na messa? don Aldo Belli al te contentea subito! E pàr finìr àn postìn da Visome che sàvea dove che stea tuti, àl mitico Gio Cibien!
Con tutte queste piccole ma efficienti botteghe, le più artigianali, Visome conduceva la sua vita con solerte movimento di personaggi che hanno fatto la storia del piccolo, ma efficiente Paesello, ora assopito nei ricordi del passato.
(di Ennio Pavei)
